موخرأً الفترة الفاتت في مصر مفهوم التبني ابتدي ينتشر ,وناس كتير فعلا بدات في التبني بدل الشراء , و احنا كمان بنشجع فكرة التبني وعشان كده بنقدم لكم 7 اسباب تخليك تتبني حيوانات بدل الشراء من محلات الحيوانات او تجار الحيوانات.
١- بتنقذ روح
عدد قليل من الناس المربيين للحيوانات بيعقمه الحيوان الاليف بتاعهم , ولما عدد الحيوانات يزيد و يبداوا في الانجاب و الزواج , بيتم بيعهم للناس او تجار و حتي بيتم تقديهم كهدايا للاقارب و الاصحاب . وكمان ناس كتير بتضطر تتخلي عن حيوانتهم لاسباب كتير زي حساسيات مفاجاة , انتقال او سفر واسباب تانية مختلفة. وفي المقابل الحيوانات دي بتواجه صعوبة لبيت محب ليهم و بيقضوا باقي حياتهم بيتنقلوا بين بيوت مختلفة و الملاجيء (مخصص للحيوانات) .و التبني بيكفل للحيوانات دي وجود بيت يحتويهم و ينقذهم .
اعداد حيوانات الشارع كمان هتقل كتير لو اتجهنا للتبني بدل الشراء لان هيكون في اماكن فاضية اكتر في الملاجيء للحيوانات ال في حاجة ماسة للرعاية .
الحيوانات في الملاجيء بيبقوا في صحة كويسة و بيتلقوا كافة التطعيمات اللازمة , كمان بيبقوا مبسوطين لانهم في مكان بيحبوهم و جاهزين للتبني من قبل منزل دافيء و محب .
٢- بتحارب مزارع الحيوانات القاسية
مزارع الحيوانات دي بتكون مزرعة كبيرة لتكاثر الكلاب و يتم بيعهم بعد ذللك . الجراء الصغيرة بيتم اخذهم من الأم و ابعادهم عنها, ده غير ان الكلاب بتعاني من ظروف معيشة قاسية و تحت رعاية صحية شبه معدومة و بعد ما بيتم استهلاك الكلبة الام و عدم صلاحية انجابها مرة اخري بيتم تسريحها و في بعض المناطق قتلها حتي .
اماكن زي دي بتفضل في استكمال عملها رغم جهل عمالائها بالعملية القاسية الكلاب بتعيشها .و بتفضل في استكمال عملها لان لسه بيتم شراء حيوانات عن طريقهم و لسه يتقاضوا أجور.
٣- هتنقذ بيتك
لو انقذت كلب كبير مش بس بتنقذه من الشارع و بتوفرله بيت محب ,انت كمان بتنقذ بيتك من اي مشاكل او صعوبات في تدريب الجراء الصغيرة علي قضاء حاجاتهم . الكلاب الكبيرة بتبقي متعودة علي التعامل مع البشر و بتبقي اليفة و ودودة ف بيبقي من السهل انك تعرفهم علي عيلتك. لإن بسبب مواقف بسيطة الكلاب بتعملها ليس عن عمد انتشرت الخرافة انهم مش مطيعين و بيتم تسريحهم و بتكون لاسباب تانية.
٤- بتوفرلك فلوس
انك تتبني حيوان سواء من الشارع ,ملجيء او اي مكان مش هيكلفك ماديا اي حاجة . بالاضافة ان كل الحيوانات ال بيقال عليها سلالة نقية اسعارها عالية جدا و كمان رعايتهم الصحية غالية. الحيوانات البتبقي جاهزة للتبني بتبقي عاملة عملية التعقيم ف حتي مش هتحتاج تدفع تكاليف العملية او ما بعد العملية من رعاية.
٥- مشاكل صحية أقل
السلالات المختلطة متعارف عنها ان مشاكلها الصحية اقل بكتير من السلالات النقية . لأن السلالات النقية سواء قطط او كلاب اكثر عرضة للامراض زي حساسية الجلد , مشاكل في مفاصل جسمهم , ومشاكل مناعية مختلفة . وكمان كل الحيوانات ال بتبقي في الملاجيء تتبع نظام التطعيمات بالكامل و يتم متابعتهم من قبل طبيب بيطري.
٦- لسه تقدر تلاقي النوع / السلالة ال انت بتدور عليها
الملاجيء المصرية مش بس فيها كلاب بلدي, دي فيها سلالات مختلفة تانية زي هاسكي , جولدن ريتريفر , جيرمين شيبارد و انواع تانية كتير. مش بس الكلاب, القطط كمان في منها سيامي و القطط الفارسية و القطط المصرية المميزة.
٧- التبني أخلاقي اكتر
إنك تتبني حيوان أخلاقي اكتر من الشراء لان لما بتشتري انت بفضل فصيلة عن اخري وده بينتج عنه حيوانات كتير بلا مأوى.
دايما فكر في التبني لوفكرت اقتناء حيوان اليف .