سمسمة كلبة لعبية جدا وحبوبه ,ولازم تطلع تحضن اول ماتقابلك بس للأسف بتخاف وبتاخد وقت عشان تتعرف على البشر لأن اذوها جامد في الشارع وكمان بتخاف من العربيات والموتسيكلات لأن كانت ،مخبوطه بعربيه لما لقيتها في الشارع بتحتاج تتعرف على الناس والكلاب براحه عشان تثق فيهم وتحبهم ولما بتفتح قلبها بتكون احلى كلبة,بتحب الكلاب والقطط والاطفال
بتحب تلعب مع الاطفال جدا بس لو طفل صغير جدا لازم حد كبير موجود لأنها بتحب تنط وتحضن الطفل لو صغير ممكن توقعه مع القطط بتحب تلعب معاهم جدا جدا ونفس الكلام مع الكلاب ،لو خايفه منه بتبعد ،أهم حاجه الي يتبناها يكون فاهم يعني ايه كلب بيخاف عشان مايغصبهاش على حاجه هي محتاجة صبر في المواقف والشخص يكون واثق في نفسه عشان مايزودش خوفها،بتحب البنات أكثر من الولاد،الي هيتبناها يفضل يكون عايش في مكان هادي بمعنى لما تطلع تتمشى ماتكنش الدنيا كلها عربيات ومنطقة سكنية زحمة